Addis Ababa, Ethiopia

Ok, det vert nok ikkje skrive slik på amharisk, men ordet over tyder ”OK, alt bra, i orden” og vert bruka mykje. Det kan eg og gjerne gjere, for alt er OK.

Etter ei lang flyreise landa vi i går kveld. Eg bur for tida ved sjukehuset, og har det veldig bra her. I dag har eg  vore med på operasjonsstova. Dei komande dagane er håpet å kome i gang med prosjektarbeidet. Det går mot millenium i Etiopia. På flyet vart eg sitjande ved sida av ein etiopisk familie frå Noreg, som skulle feire i Etiopia. Svært mange kjem heim frå heile verda for å delta i overgangen til det nye milleniet, som skjer på datoen vi kjenner som 11. september.

No må eg få meg litt søvn. Det tek på å reise så langt.

PS! Ikkje ring meg på det norske mobilnummeret. Eg skal sjå om eg kan få til eit SKYPE opplegg.

Thomas Moss

- born in Africa, back in Africa

Etter langt om lenge, og lenger enn langt er eg no innkvartert på Gardermoen. Har funne meg eit koseleg hjørne på flyplassen. Har tilgang til både internett, telefon og direktesending av tippeligaen (enn så lenge..), så betre kan eg ikkje ha det.

Eg hadde eigentleg tenkt ei natt på hotell, men etter ei kort prisringerunde, fann eg ut at vestre hjørne av Oslo lufthamn har ein mykje betre komfort, og langt lågare pris. (Gratis vs. NOK 1350,- på SAS Radisson)  Då eg likevel må sjekke inn i halv fem tida er det uansett ikkje snakk om noko kvalitetssøvn. Knapt nok REM –stadiet…

            Litt av grunnen til at eg enda opp her var at eg og møtte nokre trivelege jenter, deriblant ei tidlegare klasseveninne, som var på veg heim etter ferie i Kroatia. Vi fekk tida til å gå i godt selskap, i eit hjørne av Noregs hovudflyplass.

Planen vidare er følgjande:

                                          00.00: Forlate PC’en og innta Jon Blund i ein sovestol eit steinkast frå hjørnet mitt (heretter kalla HQ).

                                          04.30: Stå opp. Pusse tennene. Leite etter reisekompanjongen min, og sjekke inn til flight LH3137.

Resieruta er då som følgjer:

OSLO – FRANKFURT     06:25am-08:25am

FRANKFURT – KHARTOUM    10:55am – 5:50pm

KHARTOUM – ADDIS ABABA 6:50pm – 8:45pm

LEV VEL

Thomas Moss

-         flyplassturist